من شێرکۆ مه‌عارفی که ماوه‌ێکی زۆره به حوکمی داسه‌پاوی ئیعدام له زیندانی ناوه‌ندی شاری سه‌قزم، هه‌ر وه‌ک هه‌ر زیندانیکی سیاسی‌تر هه‌موو، ئه‌شکه‌نجه و ده‌رد و ئازارێکم ته‌حه‌موڵ کردوه، من وه‌ک یه‌کیک له وارسانی ئه‌م قافله روونه له نێو نه‌ته‌وه‌یه‌ک که ته‌نیا به ئاوازێکی ئه‌هوورایی خۆی زینووه، ئه‌م تێکۆشانه‌م له داوێنی دایک تا دواێنی کوێستان و هه‌ر له کاتی گاوڵکێ کردنه‌وه له گه‌ڵ ڕاهێنانی شۆرشڤانانه‌وه، ناسینی ناسنا‌مه‌ی دزراو و سه‌رکوته به زۆر سه‌پاوه‌کان له نێو پێشه‌کانماندا لوولیان خواردوه، خۆ‌ویستانه و به پشت کردن به هه‌موو خۆشیه‌کانی ژیانێکی نوێ له جیهانی پێشکه‌وتوودا، شۆرشمان ته‌نیا بۆ یادی دووپاته ژیانه‌وه‌ی مرۆفیه‌ت هه‌ڵبژاردوه. ئه‌و رێگه‌ی که به بێ من ده‌ستی پێکردوه و به بێ ئێمه‌یش درێژه‌ی ده‌بێت، ئه‌و خۆراگریه و دژایه‌تیه‌ی که ساڵه‌هایه له زیندان فرچکی گرتوه و سنووره‌کانی تێک شکاندوه هه‌ر وه‌ک له‌شێکی واحد له چوار گۆشه‌ی ئه‌م مونوگرافیه مرۆفیه‌ته تێده‌په‌رێت. ئێمه زیندانیانی سیاسی له هه‌ر به‌ش و گۆشه‌ێکی ئه‌م وڵاته‌دا به هه‌ر جۆره حوکمێک درێژه به رێگه‌ی خۆمان ده‌ده‌ین. ته‌نیا هیوامان به خه‌ڵک و به‌رگری و هه‌لسوورانی مافی مرۆف و ڕێکخراوه مه‌ده‌نیه‌کان و ئێوه‌یه، ئێوه زوانی ڕاسته‌قینه‌ی ئێمه‌ن بۆ درێژه پێدان به به‌ربه‌ره‌کانێ. هه‌روا که ده‌زانن له رۆژی 2ی خاکه لێوه‌ی 1390 له لایه‌ن هێزه‌کانی ئیجرای ئه‌حکامی زیندانی ناوه‌ندی شاری سه‌قز که له سایتێکی ئیداری له زینداندا بوونیان هه‌یه، وه‌ک دیاری نه‌ورۆز به شێوه‌ی ئاخاوتن پێیان ڕاگه‌یاندم که له 11ی گۆڵان حوکمه‌که‌م جێبه‌جێ ده‌کرێت، جێگه‌ی ئاماژه‌یه وه‌کیله‌که‌م به هیچ شێوه‌ێک له‌م پرسه ئاگادار نه‌کراوه‌ته‌وه، ئه‌مه له حاڵێکدایه ئه‌م حوکمه هه‌روا ماوه‌ته‌وه و له هه‌ر بارودۆخێکی زه‌مانی ده‌توانرێت جێبه‌جێ بکرێت. بۆ جارێکی‌تر له هه‌موو ، ڕێکخراو و کۆمه‌ڵه مه‌ده‌نیه‌کان، هه‌لسووراوانی مافی مرۆف و ئازادیخوزانی ئازیز سپاس و پێزانینی خۆم ئارسته‌ی ئه‌و ئازیزانه ده‌که‌م.
شێرکۆ مه‌عارفی
15. 4. 2011
هیچ نظری موجود نیست:
ارسال یک نظر